god dag, verd

Patentstyret
Postboks 8160 Dep.
0033 Oslo

Mads Iversen
Sparebanksgaten 44
5017 Bergen

Eg søker herved patent på produktet «Snåsabilen».

Arbeidsteikning, Snåsabilen

PRODUKTSKILDRING: Privatbil som går på «snåsakraft», jfr. Kolloen (2008)

MÅLGRUPPE: Det er ein forutsetnad av brukar har «varme hender», men kven har ikkje det no til dags?

VIRKEMÅTE: Energien vert fanga opp frå hendene via eit væskefylt ratt som er kopla saman med eit pumpesystem med turbin og generator—etter same prinsipp som til dømes ein atomreaktor. Elektrisiteten som vert produsert går til ein elektromotor som driv bilen framover (sjå arbeidsteikning).

FORDELER:

• Bilen nyttar ei svært klimavennleg energikjelde.
• Han vil aldri få motortrøbbel grunna den konstant helbredande krafta, noko som medfører låge vedlikehaldskostnader.
• Ein slik bil vil vera tryggare i trafikken sidan du må halde begge hendene på rattet for at han skal virke (også ein god motivasjon for å skaffe hands-free).

ØVRIG POTENSIALE: Ein eventuell hybridmodell vil også ha drivstofftank for «snåsavatn».

Å SELGE «SNÅSAVATN» på flaske er riktignok ein god idé, men eg har ein betre: «Snåsavin». Snåsamannen tar som kjent ikkje betalt for kunstane sine, og det å gjera vatn til vin må vera av det meir trivielle ein slik mirakelmann føretek seg. Ei enkel handspålegging kan her auke både helbredande effekt og pris per flaske dramatisk. Det skuffar meg at prosjekt som får støtte frå Innovasjon Norge ikkje eingong har utnytta desse opplagte moglegheitene. I tillegg bør prosjektet si reklameavdeling definitivt arrangere ei «happening» der Snåsamannen ifører seg kvit kjortel og spankulerer over Snåsavatnet.

• Skepsis har meir

SIDAN «SNÅSAMANNEN» er så populær tok eg eit Twitter-søk på han for å sjå kva folk hadde å sei. Eg måtte humre litt over eit par av desse:

bjorn_bore: Mot rødgrønt flertall for snåsamannen. Ikke rart med de helsekøene.

9ls: Har du noen gang sett Bjarne Håkon Hansen og Snåsamannen sammen??? Nei, nettopp! Superman og Clark Kent…

mrkolby: På forsiden av papirutgaven til Dagbladet er hovedoppslagene de fire tingene jeg er mest lei: Snåsamannen, Ari Behn, helsekost og Max Manus.

larsmg: Synes Snåsamannen burde advart befolkningen på Gaza.

glemmeboken: Som ekte hypokonder ble han syk av tanken på at Snåsamannen skulle ringe feil.

MacFred: Ikke at jeg har oversikten, men har ikke Snåsamannen helbredet langt flere enn Jesus?

dannyjolie: Salvequick er kvakksalveri. Takke meg til snåsamannen.

lazze: Føler meg litt flatulent etter å ha snakket med Snåsamannen på telefonen

OKEI, SÅ KVA SYN møter meg då eg kjøper lunsj i butikken i dag? «Snåsamannen kurerte min sønn» over heile framsida av VG og eit fotografi av Bjarne Håkon Hanssen. Eg måtte sjå to-tre gonger, før eg begynte å le. Men eg burde grine—mannen er jo helseminister!

DÅ EG VAR LITEN snakka vi om kor rart det var å ha ein røykande helseminister, men røyking viser trass alt ikkje mangel på fagleg innsikt. Tru på healing tilsvarer derimot fagleg inkompetanse, og å reklamere for det i media er rett og slett fullstendig absurd.

PÅ DEN POSITIVE SIDA, så kom det faktisk endeleg ein kritisk artikkel—i alle fall til dels:

- Helseministeren forsøker å utnytte Snåsamannens popularitet for å gjøre seg selv bedre likt. (VG)

PERSONLEG TYKKJER EG denne mediestrategien minner litt om Jackass-konseptet: bli populær ved å ødelegge deg sjølv! Har han verkeleg ikkje spurt seg om det fins andre folkevalde som har blitt meir populære av å ringe «klarsynte»?

MED EIN SLIK HELSEMINISTER kunne like gjerne Snåsamannen sjølv hatt jobben—han er jo definitivt betre kvalifisert, sidan han ikkje tar betaling. Pakk sakene, Bjarne!

• Den Tvilsomme Humanist har meir
• Fleire postar om Snåsamannen

28.12.09: OG NO LURAR VG på om det svekkar helseministerens truverd at han ikkje støtta innføringa av røykelova? Hallo?

DET FINS EIN ROSA ELEFANT. Han bur i Grong i Nord-Trøndelag, og er svaksynt. Brillene han brukar er magiske og kan kurere sjukdom.

Oppgåve: Korleis går menneskeheita fram for å finne ut om dette kan stemme?

1. Kontrollert test.
2. Konspirasjonsteoriar, tåkelegging og vage, pseudovitskaplege forklaringar.

NÅR EG SER PÅ DESSE to alternativa kan eg ikkje unngå å tenke at det burde vera rimeleg enkelt å sjå kva som er lurast. Likevel er det påfallande mange som går på snørra og vel det siste, oftast under påskot av «at evnene er uforklarlege». La meg bruke eit døme frå ein liknande debatt.

«(…) vitenskapelige metoder slik vi kjenner de i dag er for snevre til at den kan bevise det vi kaller “uforklarlige hendelser”» —dineVibber

LA MEG FORMULERE dette litt enklare: «Vitskap kan ikkje bevise trolldom». Ingen sensasjonell påstand—det ligg liksom i ordet.

trolldom -men (norr trolldómr)
1 overnaturlig evne el. kraft øve t-

SÅ KJEM VI TIL DEN vesentlege nyansen som her skiller sakleg meiningsutveksling frå irrelevant avsporing. «Vitskap kan forklare det vi trur er trolldom».

Bokomslag

VI KAN SKAFFE OSS systematisert kunnskap om effektene av det elefanten foretar seg. Det er ikkje eingong spesielt vanskeleg. Diverre nektar den rosa elefanten å la seg utsette for ein kontrollert test, sidan biografien hans sel så bra for tida.

BIOGRAFIEN TIL ELEFANTEN er skriven av ein kjend forfattar som påstår at han heile tida har vore skeptisk til brillene sine evner, og difor har skrive boka på ein mest mogleg nøktern måte (for ikkje å farge folk si oppfatting av det som hender). Riktignok har heller ikkje han teke initiativ til ein kontrollert test, men han har testa elefanten på ein kompis som har erfaring med bevis; ein advokat. Han var imidlertid ikkje sjuk sjølv, så elefanten måtte ty til eit korttriks, men det gjekk greit. Krava til bevis er ikkje så strenge i retten her til lands. Eit korttriks beviser det meste: vi har åpenbart med trolldom å gjera.

RELATERTE DEBATTINNLEGG:

• Snåsamannen–vår tids Jesus (God dag, verd!)
• Snåsamannen helbredet Peter Northug? (unfiltered perception)
• Snåsamannen ordner opp (Hjorthen uttaler seg … )
• Pragmatisk om en test som ikke blir noe av (Skepsis.no blog) *anbefalt
• Hva Snåsamannen kan (innlegg i Dagbladet)
• Petter ringte Snåsamannen (artikkel i Dagbladet)
• - Snåsamannen reddet Northug over telefon (VG)