Som nevnt tidlegare er eg brukar på Goodreads (eit sosialt nettverk med fokus på bøker). Det er ein fin stad å loggføre bøkene ein les, og finne nye anbefalingar, men mangelen på norsk språk har vore litt hemmande. Det er difor gledeleg å oppdage eit norsk alternativ, nemleg bokelskere.no, så no har eg eksportert og importert bokdataene mine og oppretta ein profil der i staden.
Å føre logg over kva bøker ein les trur eg er ein fin ting, og det kan gjerast fleire stader på nettet. Goodreads er den beste løysinga av dei eg har vore borti, men foreløpig er det få nordmenn der, og dermed lite norsk litteratur. Skulle det tilfeldigvis vera ein av mine ti lesarar som er medlem er det difor fritt fram å legge meg til. Det fins også ein facebook-applikasjon som kan koble saman litt av kvart.
Rubicon: The Last Years of the Roman Republic by Tom Holland
Ei underhaldande, narrativ innføring i romerriket si historie som eg likte svært godt.
rating: 4 of 5 stars
Slaughterhouse-Five by Kurt Vonnegut
Ein klassikar som ga meg lyst til å lese meir av Vonnegut. Underhaldande og tragisk på same tid.
rating: 4 of 5 stars
Hanteringen av odöda by John Ajvide Lindqvist
Eg var i utgongspunktet positivt innstilt til boka, sidan ho handla om zombiar, men det viste seg at eg vart lei før boka var ferdig. Litt kjedeleg, rett og slett.
rating: 2 of 5 stars
Pyongyang: A Journey in North Korea by Guy Delisle
Ein teikneserieroman om Nord-Korea. Fin fortellerstil, men ingen verdifulle innsikter.
rating: 3 of 5 stars
